AQSh Tramptyń ekinshi prezıdenttik merziminde 300 myńnan astam vızanyń kúshin joıdy
ASTANA. KAZINFORM — AQSh bıligi Donald Tramptyń ekinshi prezıdenttik merzimi bastalǵaly beri 300 myńnan astam vızanyń kúshin joıdy. Bul týraly Memlekettik departament ókili The New York Post basylymyna málimdegenin Report habarlady.
Vızalar qylmystyq áreketter, qoǵamdyq qaýipsizdikke tóngen qaterler jáne ımmıgratsııalyq zańnamany buzý, sonyń ishinde alaıaqtyq pen jalǵan aqparat berý sebepterimen joıylǵan.
Memlekettik departament ókiliniń aıtýynsha, shetel azamattarynyń keminde 4 myń vızasy «bosaný týrızmimen» aınalysqany nemese oǵan kómekteskeni úshin keri qaıtarylǵan.
Tommı Pıgottyń málimetinshe, Tramp ákimshiligi vızalardyń kúshin joıý boıynsha rekordtyq kórsetkishke jetken.
Buǵan deıin, ótken aıda, AQSh Memlekettik departamenti 2025 jylǵy qańtardan beri 250 myńǵa deıin júrgizýshi kýáliginiń kúshi joıylǵanyn rastaǵan.
Buǵan deıin AQSh búkil álem boıynsha vıza berýdi toqtatqanyn jazdyq.
