AQSh-tyń Iemenge jasaǵan áýe soqqysynan qaza tapqandar sany 38-ge jetti
ASTANA. KAZINFORM – AQSh áskerı-áýe kúshteriniń Iemen aýmaǵyna jasaǵan áýe shabýyldarynan 38 adam qaza taýyp, 102 adam túrli jaraqat alǵan. Bul týraly eldegi hýsıttik «Ansar Allah» qozǵalysyna qarasty Al Masirah telearna habarlady, dep jazady TASS.
Shabýyl 18 sáýirge qaraǵan túni Qyzyl teńiz jaǵalaýyndaǵy El-Hodeıda provıntsııasynda ornalasqan Ras-Isa portyna jasalǵan. Bul jerde munaı termınaly ornalasqan. Áýe soqqysy saldarynan nysanda órt shyqqan.
AQSh áskerı ushaqtary keminde 14 ret soqqy jasaǵan. Bombalaý aıaqtalǵannan keıin oqıǵa ornyna dárigerler men azamattyq qorǵanys qyzmetkerleri kelgen. Alaıda shabýyldar jalǵasyp, olardyń arasynda da qaza tapqandar tirkelgen.
AQSh Qarýly kúshteriniń Ortalyq qolbasshylyǵy (CENTCOM) óz málimdemesinde Ras-Isa portyn joıǵandaryn rastady. Olardyń aıtýynsha, bul hýsıtterdi munaı ónimderin zańsyz satyp, paıda tabý múmkindiginen aıyrdy jáne otyn kózderine qoljetimdigin shektedi.
Eske salaıyq, 2023 jyly Gaza sektorynda qaqtyǵys ýshyǵa túskennen keıin hýsıtter Izraıl aýmaǵyna zymyranmen soqqy jasaıtyndaryn jáne Izraılmen baılanysty kez kelgen kemeniń Qyzyl teńiz ben Bab-el-Mandeb buǵazy arqyly ótýine jol bermeıtinderin málimdegen edi.
Qańtar aıynda Gaza aımaǵynda ýaqytsha bitim ornaǵan kezde bul shabýyldar toqtaǵan bolatyn. Alaıda naýryzda bitim buzylǵannan keıin hýsıtter qaıtadan Izraıl kemeleri men nysandaryna shabýyl jasaı bastaǵan.
2025 jylǵy 15 naýryzda AQSh prezıdenti Donald Tramptyń buıryǵymen hýsıtter baqylaýyndaǵy Iemen aımaqtaryna jappaı áýe soqqylary bastaldy. AQSh Ortalyq qolbasshylyǵy bul operatsııanyń maqsaty – amerıkalyq múddelerdi qorǵaý jáne teńiz joldaryndaǵy qaýipsizdikti qamtamasyz etý ekenin atap ótti.
Jaýap retinde «Ansar Allah» qozǵalysy Qyzyl teńizdiń soltústiginde ornalasqan Harry Truman amerıkalyq áýe tasymaldaýshy kemesine zymyrandar men drondar arqyly shabýyl jasaǵan. Kemege zaqym kelgeni týraly aqparat joq.
Aıta keteıik, buǵan deıin AQSh-tyń Iemendegi áýe shabýylynan 6 adam qaza tapqanyn jazdyq.
Sondaı-aq, sársenbi kúni keshke amerıkalyq áskerı ushaqtar Iemen astanasy Sana men ál-Djaýf provıntsııasyna 12-den astam áýe soqqysyn jasady.
Qytaı kompanııasyna hýsıtterge qoldaý kórsetti degen aıyp taǵyldy.