AQSh-tyń Iemendegi munaı portyna jasaǵan soqqysynan qaza tapqandar sany 74 adamǵa jetti
ASTANA. KAZINFORM – AQSh áskerı áýe kúshteriniń El-Hodeıda provıntsııasyndaǵy Ras-Isa munaı portyna jasaǵan áýe soqqysynan qaza tapqandar sany 74 adamǵa jetti.
Bul týraly hýsıttik «Ansar Allah» qozǵalysy basqaratyn úkimettiń Densaýlyq saqtaý mınıstrligi málimdedi, dep jazady TASS.
Mınıstrlik málimetinshe, shabýyldan 171 adam jaraqat alǵan. Qazir tótenshe qyzmet ókilderi men azamattyq qorǵanys brıgadalary iz-túzsiz ketkender men zardap shekkenderdi izdestirý jumystaryn jalǵastyryp jatyr.
AQSh shabýyly 18 sáýir kúni keshke Qyzyl teńiz jaǵalaýyndaǵy mańyzdy munaı termınaldarynyń biri – Ras-Isa portyna baǵyttalǵan edi. Bul shabýyl hýsıtter men AQSh arasyndaǵy shıelenistiń kúsheıýimen tuspa-tus kelip otyr.
Eske salaıyq, buǵan deıin bul shabýyldan 38 adamnyń qaza taýyp, 102 adamnyń jaralanǵany týraly jazdyq.
Sondaı-aq, sársenbi kúni keshke amerıkalyq áskerı ushaqtar Iemen astanasy Sana men ál-Djaýf provıntsııasyna 12-den astam áýe soqqysyn jasady.
Qytaı kompanııasyna hýsıtterge qoldaý kórsetti degen aıyp taǵyldy.