AQSh-tyń Iemendegi áýe shabýylynan 6 adam qaza tapty

ASTANA. KAZINFORM – AQSh bir aıdan beri ıemendik hýsıtterge qarsy áskerı operatsııasyn jalǵastyryp jatyr, dep habarlaıdy Kazinform menshikti tilshisi.

AQSh-tyń Iemendegi hýsıtter baqylaýyndaǵy el astanasy Sana mańyndaǵy aýdandarǵa jasaǵan áýe shabýyldarynan keminde alty adam qaza taýyp, 26 adam jaraqat aldy.

Bul týraly dúısenbi kúni ıemendik hýsıtterdiń «Ańsar Alla» qozǵalysy habarlady. Kóterilisshiler sonymen birge eldiń soltústik-batysyndaǵy Hadja provıntsııasynda amerıkalyq MQ-9 Reaper ushqyshsyz basqarylatyn ushaǵyn atyp túsirgenin málimdedi.

Iemenniń hýsıtter baqylaýyndaǵy Densaýlyq saqtaý mınıstrliginiń málimetinshe, AQSh-tyń 15 naýryzda bastaǵan soqqy naýqanynan beri áýe shabýyldarynan 120-dan astam adam qaza tapty.

AQSh operatsııasy Qyzyl teńizdegi shıelenis pen Izraıl men HAMAS arasynda soǵys kezinde ótip jatyr. AQSh bıligi hýsıtterdi halyqaralyq kemelerge shabýyl jasady dep aıyptap otyr.

Hýsıtterdiń al-Masirah spýtnıktik arnasy Sana qalasynyń shetindegi Banı Matar aımaǵynda ornalasqan keramıka zaýytyna jasalǵan shabýyly saldarynan bolýy yqtımal órttiń sóndirilýiniń túsirilimin jarııalady. Qıraǵan jerlerden qutqarýshylar jaraqat alǵandardy alyp shyqty, kósheler úıindilerge toldy.

AQSh Qarýly kúshteriniń Ortalyq qolbasshylyǵy (CENTCOM) sońǵy soqqylarǵa qatysy baryn rastaǵan joq.

Vashıngtonnyń málimdeýinshe, qazirdiń ózinde 200-den astam áýe shabýyly jasalǵan, alaıda naqty maqsattary belgisiz bolyp qalyp otyr.

Soqqylar kezinde hýsıtterdiń ókili ıAhıa Sarı MQ-9 Reaper-«jergilikti» zymyran júıesi arqyly atyp túsirilgenin aıtty, bul sońǵy eki aptadaǵy tórtinshi oqıǵa.

Hýsıtterdiń kim ekeni jáne olar Izraılge bet alǵan kemelerge nelikten shabýyl jasaıtyny týraly buǵan deıin jazǵan bolatynbyz.