AQSh-tyń US Steel bolat quıý zaýytynda jarylys boldy

ASTANA. KAZINFORM - CBS News telearnasynyń habarlaýynsha, Klerton qalasyndaǵy (Pensılvanııa shtaty) US. Steel kompanııasynyń bolat quıatyn zaýytynda bolǵan jarylystan birneshe adam jaraqattandy, dep jazady reseılik TASS.

Qutqarý qyzmeti oqıǵa týraly jergilikti ýaqyt boıynsha saǵat 11:00-de habar aldy.

Pensılvanııa gýbernatory Djosh Shapıro ákimshiliktiń qala bıligimen tyǵyz baılanysta ekenin jetkizdi.

- Pensılvanııa shtatynyń tótenshe jaǵdaılar qyzmeti men polıtsııa jedel áreket etý qyzmetterimen tyǵyz baılanysta otyr jáne olarǵa barlyq qajetti kómekterdi usynýǵa daıyn, - dep jazdy gýbernator X áleýmettik jelisinde.

Osyǵan deıin Japonııanyń Kıýsıý aralynda jappaı evakýatsııa jarııalanǵany týraly jazdyq.