AQSh-tyń ulttyq qaryzy ekonomıka kóleminen asyp ketti
ASTANA.KAZINFORM - Ekonomıkalyq taldaý bıýrosynyń málimeti boıynsha, AQSh-tyń ulttyq qaryzy naýryz aıyndaǵy jaǵdaı boıynsha 39 trıllıon dollarǵa jetti, al eldiń JІÓ-si 31,22 trıllıon dollardy qurady, dep habarlaıdy Kazinform agenttiginiń Vashıngtondaǵy tilshisi.
Nátıjesinde, JІÓ-degi ulttyq qaryzdyń úlesi 100%-dan asty, ıaǵnı ulttyq qaryz qazir AQSh ekonomıkasynyń kóleminen úlken.
Federaldy úkimet 1946 jyly, Ekinshi dúnıejúzilik soǵystan keıin AQSh armııasyn demobılızatsııalaǵan kezde belgilengen 106%-dyq rekordtyq qaryzdyń JІÓ-ge qatynasynan asyp tústi.
Kongrestiń Bıýdjet basqarmasynyń aldaǵy jyldary ulttyq qaryz AQSh-tyń JІÓ-den jyldam ósedi degen boljamy dál keldi, bul eldiń qarjylyq jáne ekonomıkalyq jaǵdaıynyń saldaryn kúrdelendirýi múmkin.
Esepte mundaı dınamıka ekonomıkalyq ósimdi baıaýlatyp, jeke ınvestıtsııalardy azaıtýy, sondaı-aq qaryzdy óteý úshin paıyzdyq shyǵyndardy arttyrýy múmkin ekendigi aıtylǵan.
Buǵan deıin Túrkııanyń memlekettik qaryzy 14 trln lıradan asqanyn habarlaǵan edik.
