AQSh-tyń Ýkraınadaǵy elshisi qyzmetinen ketedi

ASTANA. KAZINFORM – AQSh-tyń Kıevtegi elshisi Brıdjıt Brınk otstavkaǵa ketip, Vashıngtonǵa oralady. Bul týraly Amerıka astanasynda ótken brıfıngte AQSh Memlekettik departamentiniń resmı ókili Temmı Brıýs málimdedi, dep jazady Anadoly.

Temmı Brıýs dıplomatııalyq mıssııa basshysy «qaqtyǵystyń 3 jylynda osy qyzmetti atqarǵannan keıin» otstavkaǵa ketkenin atap ótti.

– Ol óz mindetin tamasha atqardy, biz oǵan bar jaqsylyqty tileımiz, – dedi Memlekettik departament ókili.

Dıplomat elshiniń otstavkaǵa ketýi týraly egjeı-tegjeıli málimet bermedi. Brıýs Amerıka Qurama Shtattary Ýkraına men Reseı arasyndaǵy qaqtyǵysty toqtatýǵa baǵyttalǵan kúsh-jigerge basa nazar aýdaratynyn aıtty.

Aıta keteıik, buǵan deıin Ystambuldaǵy Reseı Bas konsýldyǵynyń ǵımaratynda Reseı men AQSh delegatsııalary arasyndaǵy konsýltatsııalardyń ekinshi raýndy ótkenin jazdyq.