AQSh-tyń Tehas shtatynda júk konteınerinen alty mıgranttyń máıiti tabyldy
ASTANA. KAZINFORM - Tehas shtatyndaǵy Laredo qalasynda júk poıyzynyń konteınerinen alty adamnyń máıiti tabyldy, dep habarlaıdy TheGuardian.
Olardy Union Pacific temirjol stantsııasynda vagondardy josparly tekserý kezinde jumysshylar anyqtaǵan.
Aldyn ala málimet boıynsha, adamdar ystyqtan kóz jumǵan.
Sot-medıtsınalyq sarapshy qaza bolǵandardyń biri — 29 jastaǵy meksıkalyq áıeldiń álimine kún ótý sebep bolǵanyn rastady.
Qalǵandarynyń aty-jóni, kim ekeni áli anyqtalyp jatyr.
Boljam boıynsha, olardyń arasynda Meksıka men Gondýras azamattary bar.
Union Pacific oqıǵanyń mán-jaıyn anyqtaý úshin polıtsııamen birlesip jumys júrgizip jatyr.
Laredo — AQSh shekarasyndaǵy iri kólik toraptarynyń biri.
Bul aımaqta zańsyz shekara kesip ótý áreketteri jıi tirkeledi.
Ázirge bılik bul oqıǵanyń adam tasymalymen aınalysatyn uıymdasqan toptarǵa qatysy bar-joǵyn naqtylaǵan joq.
Osyǵan deıin 2025 jyly kóshi-qon baǵyttarynda shamamen 8 myń adam qaza taýyp, ne iz-túzsiz joǵalǵany týraly jazdyq.
