AQSh-tyń syrtqy saıasaty aıasynda Qazaqstandaǵy ýran baǵasy tómendedi

ALMATY. KAZINFORM — Syrtqy saıası qysym aıasynda «Qazatomónerkásip» kompanııasynyń aktsııalary quldyrady. 

Qazaqstan qor bırjasy (KASE) basqarma tóraǵasynyń orynbasary Dana Amanjolovanyń aıtýynsha, jyl basynan beri aktsııalar naryǵynyń kapıtaldanýy 3,4%-ǵa nemese 1,1 trln teńgege tómendep, KASE tizimindegi aktsııalar baǵasynyń quldyraýy esebinen 31,8 trln teńge (63,1 mlrd AQSh) boldy.

— KASE ındeksi toqsandy oń dınamıkamen japty: ósim osy jyldyń basymen salystyrǵanda 1,4 paıyz. Ósýdiń negizgi draıverleri bank sektoryndaǵy aktsııalar boldy, atap aıtqanda, BTsK pen Halyq banki. Eń kóp quldyraý «Qazatomónerkásip», «Kaspi» jáne «Air Astana » kompanııalarynyń aktsııalarynda tirkeldi, - dedi ol.

KASE klırıngtik ortalyǵynyń basqarma tóraǵasy Natalıa Horoshevskaıa ýran baǵasynyń tómendeýine qatysty túsinik berdi. Onyń aıtýynsha, baǵanyń tómendeýi qazaqstandyq ýranǵa ǵana emes, sonymen qatar álemdik naryqtardaǵy jalpy qubylmalylyqqa baılanysty birqatar basqa shıkizatqa da áser etti.

— Qazir biz iri oıynshylardyń biri – Amerıka Qurama Shtattarynyń ekonomıkalyq saıasaty múlde boljaýǵa bolmaıtynyn kórip otyrmyz, sondyqtan baǵa aıtarlyqtaı qubylyp tur. Biraq bul qarjy jáne taýar naryqtary tarıhyndaǵy birinshi joǵary qubylmalylyq emes. Mundaı bolyp turady, - dedi Natalıa Horoshevskaıa.

Ol sondaı-aq tek ishki naryqta jumys isteıtin jáne halyqaralyq bırjalarda kórsetilmegen kompanııalar syrtqy ekonomıkalyq kúızelisterge tózimdilik tanytatynyn atap ótti. Sonymen qatar qyzmeti eksportpen jáne halyqaralyq operatsııalarmen tyǵyz baılanysty kompanııalar mindetti túrde jahandyq táýekelderdiń áserine tap bolatynyn jetkizdi.

— «Qazatomónerkásip» – otandyq ónerkásip flagmandarynyń biri. Kompanııa ýrandy shetel naryǵyna satady, onyń aktsııalary syrtqy naryqta satylady, bul kompanııa IPO-dan ótti, kóptegen ınvestory bar. Árıne, mundaı jaǵdaılarda aýyr soqqyny osyndaı kompanııalar alady. Bul jerde kompanııanyń turaqtylyǵy nemese onyń sapasyn ishki ınvestorlardyń baǵalaýy týraly suraqtar týyndaýy múmkin emes. Dúnıejúzilik naryq dál qazir qubylmaly – ol kúrt quldyrady jáne, meniń oıymsha, kúrt kóteriledi. Tıisinshe, mundaı kompanııalar osyndaı daýyldarǵa tap bolady, - dep qosty ol.

Ótken jyldyń qarjylyq esebine sáıkes, Qazatomónerkásiptiń kirisi 26 paıyzǵa ósip, 1,8 trln teńgege jetti. Bul rette kompanııanyń taza kirisi 95%-ǵa ósip, 1,3 trln teńge boldy. Ulttyq ýran óndirýshiniń turaqty qarjylyq jaǵdaıyn Fitch halyqaralyq reıtıngtik agenttigi de rastady, ol kompanııanyń nesıelik reıtıngin turaqty boljammen VVV deńgeıinde saqtady.

Eske salaıyq, buǵan deıin Prezıdentke «Qazatomónerkásiptiń» 2025–2034 jyldarǵa arnalǵan damý strategııasy tanystyrylǵan bolatyn.

Aıta keteıik, qor naryǵy Tramptyń tarıfter týraly málimdemesine reaktsııa bildirdi.