AQSh-tyń ishki qaýipsizdik mınıstri Krıstı Noemniń sómkesin urlap ketti

ASTANA.KAZINFORM — Jeksenbi kúni Vashıngtondaǵy meıramhanada túski as kezinde AQSh-tyń ishki qaýipsizdik mınıstri Krıstı Noemniń sómkesi urlandy. Sómkede júrgizýshi kýáligi, dári-dármekter, úı kilti, pasport, kosmetıka, mınıstrlikke kirý ruqsaty jáne shamamen 3 myń dollar qolma-qol aqsha bolǵan, dep jazdy Anadoly agenttigi.

Noem bul oqıǵany rastap, jaǵdaıdyń áli de sheshilmegenin málimdedi. Qaýipsizdik qyzmetiniń ókili ury hırýrgııalyq maska kıgen er adam bolǵanyn jáne onyń beınebaqylaý kameralaryna túsip qalǵanyn aıtty.

Burynǵy qupııa qyzmet qyzmetkeri Djonatan Vakroý bul jaǵdaıdy «qaýipsizdik júıesindegi osal tus» dep atap, oqıǵany bılik tarapynan jan-jaqty tergeý qajet ekenin aıtty.

AQSh-tyń ishki qaýipsizdik mınıstri Krıstı Noemniń sómkesi urlansa, Qazaqstanda 2024 jylǵy 11 aıdyń esebi boıynsha Qazaqstanda urlyq-qarlyq 28,1%-ǵa azaıdy, ıaǵnı 40 458-den 29 089-ǵa deıin tómendegen.