AQSh-tyń saýda soty Tramptyń 10 paıyzdyq tarıfine qarsy sheshim shyǵardy
ASTANA. KAZINFORM — Amerıkanyń halyqaralyq saýda soty AQSh ákimshiliginiń ımporttyq taýarlar men qyzmetterge 10 paıyzdyq baj salyǵyn engizýdi jaramsyz dep tapty. Qaýly sottyń elektrondy bazasynda jarııalandy, dep habarlaıdy TASS.
- 20 aqpandaǵy № 11012 qosymsha ımporttyq baj salyǵyn ýaqytsha engizgen <…> zańǵa qaıshy, jaramsyz dep tanyldy», - delingen úkimde.
Sot AQSh ákimshiligin bes kún ishinde úkimdi oryndaýǵa mindettedi. Jaýapker ımporttaýshylarǵa buıryq kúshinde bolǵan kezde tólengen baj salyǵyn da óteýi kerek. Talapkerlerdiń qataryna jıyrmaǵa jýyq shtat kirdi. Olar tarıfterdi belgileýge negiz bolǵan zańnyń 122-babyn bul maqsattarǵa qoldanbaý kerek dep sanaıdy.
20 aqpanda AQSh joǵarǵy soty qazirgi prezıdenttiń halyqaralyq tótenshe ekonomıkalyq kúshter týraly zańyn (IEEPA) jeleý etip basqa elderge ımporttyq baj salyǵyn engizýi ókilettikti asyra paıdalaný dep tanydy. Alaıda sot AQSh ákimshiligine tarıfterde tólengen aqshany qaıtarýǵa mindetti me, joq pa, sony túsindirmedi. Osydan keıin AQSh prezıdenti barlyq elderden keletin ımportqa 10 paıyzdyq baj salyǵyn engizý týraly buıryqqa qol qoıdy. Sodan keıin ol olardy 15%-ǵa deıin arttyrýǵa nıetti ekenin málimdedi. AQSh ımportyna 10% jahandyq baj salyǵy 24 aqpanda kúshine endi. Bul shara 150 kúnge sozylýy kerek edi.
Yonhap agenttigi AQSh saýda sotynyń bul sheshimi Donald Tramptyń saýda saıasatyna taǵy bir zańdy soqqy dep jazdy.
Eske salaıyq, AQSh ımportqa jańa baj salyǵyn engizetini týraly jazǵan bolatynbyz.
