AQSh-tyń munaı men tankerdi Venesýelaǵa qaıtarý jospary joq
ASTANA.KAZINFORM — Venesýela jaǵalaýyndaǵy tankerlerden tárkilengen munaı AQSh-ta qalady jáne satylýy nemese strategııalyq rezerv retinde paıdalanylýy múmkin, dep habarlaıdy Kazinform agenttiginiń menshikti tilshisi.
Tilshilerdiń 10 jeltoqsanda tárkilengen 1,9 mıllıon barrel munaımen ne isteýdi josparlap otyrǵany týraly suraǵyna AQSh prezıdenti ony saqtaıtynyn málimdedi.
— Múmkin biz ony satamyz. Múmkin saqtaımyz. Múmkin strategııalyq rezerv úshin paıdalanamyz. Biz ony saqtaımyz. Kemelerdi de saqtaımyz, — dedi Donald Tramp.
«Siz aktıvteri tárkilengen amerıkalyq munaı kompanııalarymen sóılestińiz be?» degen suraqqa Donald Tramp «sóılestim» dep jaýap berdi. Alaıda, naqty eshteńe aıtpady.
Buǵan deıin AQSh jaǵalaý kúzeti Venesýela jaǵalaýynda ekinshi munaı tankerin ustap alǵany týraly habarlanǵan bolatyn.
