AQSh-tyń Mıssısıpı shtatyndaǵy mektepte atys bolyp, 3 adam kóz jumdy

ASTANA. KAZINFORM – AQSh-tyń ońtústigindegi Mıssısıpı shtaty Holms okrýginde senbi kúni bolǵan atystan úsh adam mert bolyp, taǵy 8 adam jaraqat aldy, dep habarlaıdy Qytaıdyń Sınhýa agenttigi.

Fýtbolshylar okrýg boıynsha ótken jarysta mekteptiń jeńisin toılap jatqan. Sol sátte 200-300 adamnan turatyn topqa eki adam oq jýdyrǵan.

Holms okrýginiń sherıfi Ýıllı Marchtiń aıtýynsha, atys birneshe jastyń ózara janjalynyń nátıjesinde týyndaǵan. Qazir oqıǵanyń mán-jaıy anyqtalyp jatyr.

Sherıf polıtsııanyń kúdiktilerdi izdestirip jatqanyn aıtty. Sondaı-aq tergeý jumystary da júrip jatyr.

Osyǵan deıin AQSh-ta jasóspirim mektepte oq atyp, 30 adamnyń jaralanǵany týraly jazdyq.