AQSh-tyń Mınneapolıs qalasynan 700-ge jýyq ımmıgratsııa agenti shyǵarylady

ASTANA. KAZINFORM – AQSh-tyń ımmıgratsııa vedomstvosynyń basshylyǵy Mınneapolısten 700-ge jýyq salyq jáne ımmıgratsııa qyzmetkeri (ICE) shyǵarylatynyn málim etti, dep habarlaıdy Euronews.

Basylymnyń jazýynsha, demokrattar eger ICE qyzmeti qaıta qaralmaıtyn bolsa, qaıtadan «shatdaýyn» uıymdastyramyz dep qoqan-loqy jasap otyr.

ICE agentteriniń shyǵarylatyny jónindegi aqparatty AQSh prezıdenti Donald Tramp ta rastady. Ol buǵan deıin agentter áreket etý barysynda «jumsaǵyraq bolǵany jón edi» dep moıyndaǵan.

Sonymen birge Mınnesota shtatynda atalǵan vedomstvonyń shamamen eki myńǵa jýyq agenti jumysyn jalǵastyrady.

— Shtat astanasynda ahýal áli de shıelenisip tur, polıtsııa tekseristeri toqtaǵan joq. Qala turǵyndarynyń bir bóligi mıgranttardy reıdter týraly dabyl qaǵyp, shý shyǵaryp, aıqaılap eskertip júr. Belsendiler ICE-ti Mınneapolısten ǵana emes, tutas Mınnesota shtatynan tolyqtaı shyǵarýdy talap etip otyr. Agentterdiń áreketine baılanysty AQSh úkimetine jańa «shatdaýn» qaýpi tónip tur: demokrattar ımmıgratsııalyq polıtsııanyń qyzmet qaǵıdattary túbegeıli qaıta qaralmaıynsha, kúshtik qurylymdardyń bıýdjetin bekitýden bas tartyp otyr, — delingen habarlamada.

Buǵan deıin AQSh-tyń ishki qaýipsizdik mınıstri Krıstı Noem Mınnesota shtatynda qyzmet etetin barlyq federaldy ımmıgratsııalyq agentter jaqyn arada keýdege taǵylatyn beınekameralarmen qamtamasyz etiletinin málimdegen edi.

/