AQSh-tyń Mıchıgan shtatynda sınagoga mańynda atys boldy
ASTANA. KAZINFORM – Federaldyq tergeý bıýrosynyń (FTB) basshysy Kesh Patel Oklend okrýgine qarasty Vest Blýmfıld qalasynda ornalasqan Temple Israel sınagogasynyń ǵımaratyna kelgenin habarlady, dep jazady BBC.
Pateldiń H áleýmettik jelisine jazǵanyndaı, sınagogada belgisiz bireý oq atyp jatyr. Sondaı-aq ǵımaratty kólikpen kelip soǵyp, artynan shabýyl jasalǵany týraly aıtylady.
Ózge málimetter týraly FTB jetekshisi eteńe aıtpady.
Amerıkalyq BAQ sınagoga ǵımaratynyń shatyrynan tútin shyǵyp jatqan týraly vıdeolardy jarııalady.
Oklend okrýginiń sherıfi Maıkl Býchard oqıǵa saldarynan zardap shekkender týraly aqparat joq ekenin málim etti.
Reuters agenttigi men CNN quqyq qorǵaý organdarynyń anonımdi ókiline silteme jasap, shabýyl jasaýshynyń mert bolǵanyn habarlady.
Osyǵan deıin Mıchıgan shtatyndaǵy shirkeýdegi atystan 4 adam qaza tapqany týraly jazǵan bolatynbyz.
