AQSh-tyń Merılend shtatynda belgisiz bireý kóshede adamdarǵa oq jaýdyrdy
ASTANA. KAZINFORM – AQSh-tyń Merılend shtatynyń Baltımor aýdanynda atys bolyp, keminde 6 adam zardap shekti, dep habarlaıdy Report ABC News telearnasyna silteme jasap.
Taratylǵan aqparatqa sáıkes, oqıǵa senbi kúni keshkisin saǵat 20:50 kezinde bolǵan. Belgisiz bireý Spoldıng jáne Kýınsberrı kóshelerine jaqyn mańda kóshede turǵan adamdarǵa oq jaýdyrǵan.
Baltımor polıtsııasynyń komıssary Rıchard Ýorlıdiń sózinshe, zardap shekkenderdiń arasynda 5 jasar qyz bar. Abyroı bolǵanda onyń ómirine eshqandaı qaýip tónip turǵan joq.
Polıtseı jaraqat alǵandardyń arasynda 38 jastaǵy er adamnyń hali múshkil ekenin aıtty.
Kúdiktiniń kim ekeni anyqtalyp jatyr, polıtsııa tergeý júrgizip jatyr.
Osyǵan deıin AQSh-taǵy ICE ýaqytsha ustaý ızolıatorynda Qytaı azamaty óz-ózine qol jumsaǵanyn jazdyq.