AQSh-tyń memlekettik qaryzy rekordtyq deńgeıge jetti

ASTANA. KAZINFORM – AQSh-tyń memlekettik qaryzy 37 trıllıon dollardan asty. Bul rekordtyq soma Amerıka qaryzynyń ósý qarqynyn jáne salyq tóleýshilerge qysymnyń kúsheıýin kórsetedi, dep habarlaıdy Kazinform Associated Press agenttigine silteme jasap. 

Ulttyq qaryz týraly jańartylǵan aqparat AQSh qazynashylyǵynyń seısenbi kúni jarııalanǵan esebinde qamtylǵan. 

Associated Press agenttigi atap ótkendeı, memlekettik qaryz pandemııaǵa deıin boljanǵannan birneshe jyl buryn 37 trıllıon dollardan asty. Kongresstiń bıýdjettik keńsesiniń 2020 jylǵa arnalǵan boljamy qaryz 2030 qarjy jylynan keıin ǵana osy belgiden joǵary bolady dep kútken. 

Alaıda qaryz 2020 jyly bastalyp, AQSh ekonomıkasynyń kóp bóligin sal aýrýyna ushyratqan COVID-19 pandemııasyna baılanysty kútkennen jyldam ósti. Sodan keıin prezıdent Donald Tramp jáne Djo Baıden basqarǵan federaldy úkimet el ekonomıkasyn turaqtandyrý jáne qalpyna keltirýdi qoldaý úshin agressıvti túrde qaryz alǵan. 

Buǵan deıin AQSh ımporttalatyn altynǵa baj salyǵyn salmaıtynyn jazǵan edik.