AQSh-tyń memlekettik qaryzy eki aıda $400 mıllıardqa ósti
ASTANA. KAZINFORM — AQSh-tyń memlekettik qaryzy rekordtyq 40 trıllıon dollarǵa jetkennen keıin, eki aıda taǵy 400 mlrdqa ósti, dep habarlaıdy Kazinform agenttiginiń Vashıngtondaǵy menshikti tilshisi US News-ke silteme jasap.
Shyǵyndardyń kóp mólsheri qorǵanysqa, áleýmettik baǵdarlamalarǵa jáne bıýdjet tapshylyǵyna baılanysty paıyzdyń ósimin tóleýge jumsalady.
AQSh-tyń memlekettik qaryzy 2026 jylǵy 19 tamyzda tarıhta alǵash ret 40 trln dollardan asqan bolatyn. Byltyr qazan aıynda, Amerıkanyń qaryzy 38 trıllıon dollar bolǵan.
Sarapshylar qaryzdyń qazirgi ósimine qarap, 2030 jyly AQSh memlekettik qaryzy 50 trıllıon dollarǵa jetetinin boljap otyr.
AQSh-tyń memlekettik qaryzynyń shekti mólsherin Kongress zańmen belgileıdi. 41,1 trıllıon dollarlyq shekti mólsherge AQSh, Qos partııaly saıasat ortalyǵynyń deregi boıynsha, 2027 jyly qystyń sońy men jazdyń ortasy aralyǵynda jetpek. Sol kezde Kongress shekti mólsherdi kóterý nemese toqtata turý týraly máseleni taǵy da daýysqa salady.
Buryn AQSh BUU aldyndaǵy qaryzynyń bir bóligin óteýdi josparlap otyrǵany habarlanǵan bolatyn.
