AQSh-tyń Kólik mınıstri NASA-ny ýaqytsha basqaratyn boldy

VAShINGTON. KAZINFORM — AQSh Prezıdenti Donald Tramp Kólik mınıstri Shon Daffıdi Ulttyq aeronavtıka jáne ǵarysh keńistigin zertteý basqarmasy (NASA) ákimshisiniń mindetin ýaqytsha atqarýshy etip taǵaıyndady. Bul týraly amerıkalyq kóshbasshy sársenbi kúni Truth Social jelisinde jazdy, dep habarlaıdy TASS.

— Bizdiń Kólik mınıstrimiz Shon Daffıdi NASA ákimshisiniń mindetin ýaqytsha atqarýshy etip taǵaıyndaǵanymdy habarlaýǵa qýanyshtymyn, — dedi Tramp. 

Onyń pikirinshe, Daffı «qysqa merzimge bolsa da, mańyzy artyp kele jatqan ǵarysh agenttigine tamasha basshy bolady».

Maýsym aıynyń basynda Tramp NASA basshysy qyzmetine usynylǵan mıllıarder ári ǵarysh týrısti Djared Aızekmannyń kandıdatýrasyn qaıtaryp alǵan bolatyn. Buǵan deıin, sáýir aıynyń sońynda AQSh Senatynyń kommertsııa, ǵylym jáne kólik jónindegi komıteti Aızekmandy atalǵan vedomstvo basshysy qyzmetine usynýǵa keńes bergen edi.

6 shildede Tramp kásipker Ilon Mask odan ǵarysh agenttigine óziniń jaqyn dosyn basshy etip taǵaıyndaýdy suraǵanyn, biraq onyń naqty kim ekenin aıtpaǵanyn jetkizgen. AQSh-tyń birqatar BAQ-tary Aızekmandy Masktyń qoldaýshysy retinde ataǵan.

Buǵan deıin Prezıdent Donald Tramp AQSh-qa ımporttalatyn mysqa 50 paıyzdyq baj salyǵyn salý jospary bar ekenin málimdegenin jazdyq.