AQSh-tyń qoldaýymen Venesýelada bılik pen oppozıtsııa kelissózge kiristi
ASTANA. KAZINFORM — Karakasta Venesýelanyń ýaqytsha úkimeti men oppozıtsııa ókilderi arasynda eldegi saıası ótpeli kezeń men demokratııalyq ınstıtýttardy qalpyna keltirýge baǵyttalǵan kelissózder bastaldy.
Report málimetinshe, kelissózder bastapqyda josparlanǵan 1 tamyzdan bir apta keıin bastaldy. Dıalog AQSh-tyń qoldaýymen ótip jatyr.
Úkimet delegatsııasyn Venesýela Ulttyq assambleıasynyń tóraǵasy, ýaqytsha prezıdent mindetin atqarýshy Delsı Rodrıgestiń aǵasy Horhe Rodrıges bastap bardy.
Oppozıtsııa atynan burynǵy Ulttyq assambleıa depýtaty Dınora Fıgera jetekshilik etti. Delegatsııa quramyna 2015 jylǵy shaqyrylymnyń burynǵy depýtattary engen. AQSh bul parlamentti buǵan deıin zańdy organ retinde tanyǵan bolatyn.
Bul kelissózderge oppozıtsııa jetekshisi Marııa Korına Machado men prezıdenttikke burynǵy kandıdat Edmýndo Gonsales Ýrrýtıa qatyspady. Eki saıasatker de shetelde júr jáne dıalogtyń barysyn baqylap, onyń saılaý ótkizýge jol ashady dep úmittenetinderin málimdedi.
Taraptar demokratııany nyǵaıtý, saıası quqyqtarǵa kepildik berý, sondaı-aq maýsym aıyndaǵy joıqyn jer silkinisterinen keıin eldi qalpyna keltirý máselelerin talqylaıdy dep josparlanǵan.
Aıta keteıik, Vashıngton eki jer silkinisinen keıin Venesýelaǵa halyqaralyq gýmanıtarlyq kómektiń jedel jetkizilýin qamtamasyz etý maqsatynda elge qatysty sanktsııalardyń bir bóligin ýaqytsha shektegen bolatyn.
