AQSh-tyń Qytaıdan eń kóp nesıe alatyny anyqtaldy

ASTANA.KAZINFORM - Amerıkalyq zertteýshiler Qytaıdyń damýshy elderge emes, joǵary tabysty elderge nesıe beretinin, al AQSh Qytaıdan eń iri nesıe alýshy ekenin anyqtady, dep habarlaıdy NBC.

AQSh-taǵy Ýılıam jáne Merı ýnıversıteti AidData zerthanasynyń esebinde 2000 jyldan 2023 jylǵa deıin Qytaı álemniń barlyq aımaqtaryndaǵy 200 elge jalpy somasy 2,2 trıllıon dollar nesıe men grant bergeni aıtylǵan.

Tómen jáne ortasha tómen tabysty elderge nesıe berý úlesi 2000 jylǵy 88%-dan 2023 jyly 12%-ǵa deıin tómendedi. Beıjiń sonymen qatar óziniń «Bir beldeý, bir jol» bastamasy aıasynda Jahandyq Ońtústiktegi ınfraqurylymdyq jobalardy qarjylandyrýdy azaıtty.

Sonymen qatar, orta jáne joǵary tabysty elderdi qoldaýǵa bólingen qarajattyń úlesi 2000 jylǵy 24%-dan 2023 jyly 76%-ǵa deıin ósti. Mysaly, Ulybrıtanııa 60 mıllıard dollar, al EO 161 mıllıard dollar aldy.

Aıta keteıik, Qytaıda jyljymaıtyn múlik naryǵyndaǵy daǵdarys kúsheıdi.