AQSh-tyń Qazaqstandaǵy Elshisi senim gramotalarynyń kóshirmesin tabystady

ASTANA. KAZINFORM — Qazaqstan Respýblıkasy Syrtqy ister mınıstriniń birinshi orynbasary Erjan Ashyqbaev Amerıka Qurama Shtattarynyń jańadan taǵaıyndalǵan Elshisi Djýlı Staffttan senim gramotalarynyń kóshirmesin qabyldady.

Taraptar Qazaqstan men AQSh arasyndaǵy keńeıtilgen strategııalyq seriktestiktiń aǵymdaǵy jaǵdaıy men perspektıvalaryn talqylady.

Foto: QR SІM

Kezdesý qorytyndysy boıynsha suhbattastar birlesken jumysqa daıyndyǵyn rastap, dıalogty jalǵastyrý týraly kelisti.

Eske sala keteıik, buǵan deıin byltyrǵy jyldyń qazan aıynda Djýlı Stafft AQSh-tyń Qazaqstandaǵy elshisi bolyp taǵaıyndalǵanyn jazǵan edik.