AQSh-tyń Kapıtolııge basyp kirýge qatysy bar úsh prokýrory jumystan bosatyldy

ASTANA. KAZINFORM - Tártipsizdikke qatysýshylardy qýdalaýdy eki prokýror basqardy, al ekinshisi Kapıtolııge basyp kirýge qatysty isterdi qarady, dep habarlaıdy Kazinform VVS-ge silteme jasap.

Associated Press eki derekkózge silteme jasap jazǵandaı, agenttik kórgen olardyń bireýin jumystan bosatý týraly hatqa AQSh bas prokýrory Pam Bondı qol qoıǵan.

Qujatta jumystan bosatýdyń sebepteri túsindirilmegen: dálel retinde «AQSh Konstıtýtsııasynyń 2-baby men AQSh zańdary» keltirilgen. Ádilet mınıstrligi AP-ke túsinikteme berýden bas tartty.

Tramptyń ekinshi merzimi bastalǵannan beri Kapıtolııdegi tártipsizdik isi boıynsha jumys istegen birneshe prokýrordyń laýazymy tómendetildi. Al is boıynsha jumys isteý úshin ýaqytsha qyzmetke alynǵan, sodan keıin turaqty qyzmetke berilgen 20-ǵa jýyq advokat jumystan bosatyldy. 

Eske sala keteıik, buǵan deıin Tramp Kanadamen saýda kelissózderi aıaqtalǵanyn málim etkenin jazǵan edik.