Kalıfornııa shtatyndaǵy iri órt saldarynan 12 myń adam evakýatsııalandy
ASTANA. KAZINFORM - «Franklın» dep atalatyn órt Kalıfornııa shtatynyń Malıbý qalasyndaǵy 4000 akr (1620 gektar) jerdi sharpydy, dep jazady CBS News.
Los-Anjeles okrýgi órt sóndirý qyzmetiniń málimetinshe, Franklın órti bir túnde 39%-ǵa artyp, oǵan aýa raıy, sonyń ishinde kúshti jel men tómen ylǵaldylyqtyń az bolýy yqpal etti.
Los-Anjeles sherıfi Robert Lýna sársenbide zardap shekken aımaqta shamamen 19 982 adam men 7 560 qurylym bolǵanyn aıtty. 12 600-ge jýyq adamǵa evakýatsııalaý týraly buıryq berildi jáne shamamen 7 382 adam qaýipti aımaqta qalyp otyr jáne múmkindik bolǵan jaǵdaıda turǵylyqty jerlerin tastap ketýge daıyn.
- Aýyr jaraqat alǵandar men ólim-jitim týraly málimet joq, bunyń ózi jeńis jáne komandalyq jumystyń nátıjesi, - dedi Robert Lýna.
Malıbý qalasy zardap shekken turǵyndarǵa kıim-keshek, azyq-túlik, sý jáne alǵashqy medıtsınalyq kómek kórsetý úshin apattyq stantsııa men baspana ashty.
Osyǵan deıin elimizde orman órtin erte anyqtaıtyn júıe engizilip jatqany týraly jazdyq.