AQSh-tyń Iranǵa qarsy teńiz blokadasy: 92 kemeniń baǵyty ózgerdi
ASTANA. KAZINFORM – AQSh Qarýly kúshteri Irannyń teńiz blokadasy aıasynda 92 saýda kemesiniń baǵyty ózgertilgenin, taǵy úsh kemeniń paıdalanýdan shyǵarylǵanyn málimdedi, dep habarlaıdy Anadolu agenttigi.
AQSh Ortalyq qolbasshylyǵy (CENTCOM) Iranǵa qarsy teńiz blokadasy týraly málimdemeni X áleýmettik jelisindegi paraqshasynda jarııalady.
Málimdemede 6 qyrkúıektegi jaǵdaı boıynsha Irannyń teńiz blokadasy aıasynda 92 saýda kemesiniń baǵyty ózgertilgeni aıtylǵan. Sonymen qatar úsh keme «paıdalanýdan shyǵarylǵan», taǵy úsh keme «talaptardyń saqtalýyn qamtamasyz etý maqsatynda» tekserilgen.
CENTCOM jarııalaǵan aqparatta AQSh Áýe kúshteriniń F-35A úlgisindegi kózge kórinbeıtin joıǵysh ushaǵy aımaqtaǵy teńiz sýlaryn patrýldep júrgeni de aıtylǵan.
Buǵan deıin AQSh Qarýly kúshteri Iran aımaqtaǵy amerıkalyq eki áskerı kemege shabýyl jasaǵannan keıin Islam revolıýtsııasy saqshylar korpýsynyń úsh tankerin joıǵanyn málimdegen.
Sondaı-aq Islam revolıýtsııasy saqshylar korpýsynyń áskerı-teńiz kúshteri Ormýz buǵazynda amerıkalyq áskerı ushqyshsyz jerústi apparatqa shabýyl jasaǵan.
Aıta keteıik, buǵan deıin Ormýzdaǵy shıelenisten 400 keme men 6 myń teńizshi Parsy shyǵanaǵynan shyǵa almaı otyrǵanyn jaedyq.
Al Ońtústik Koreıa Ormýz buǵazyna ásker jiberetinin málimdedi.
