AQSh-tyń ımmıgratsııa qyzmetine 70 mıllıard dollar bólinetin boldy
ASTANA.KAZINFORM — Donald Tramp AQSh Іshki qaýipsizdik departamentiniń ımmıgratsııalyq qyzmetin 70 mıllıard dollarǵa qarjylandyrý týraly zań jobasyna qol qoıdy, dep habarlaıdy CBS News.
Senat ótken aptanyń sońynda ony qabyldaǵannan keıin Ókilder palatasy zań jobasyn 212 daýyspen maquldady. Paket Donald Tramptyń ókilettigi aıaqtalǵanǵa deıin ımmıgratsııa jáne kedendik baqylaý (ICE) jáne keıbir keden jáne shekarany qorǵaý (CBP) bólimshelerin qarjylandyrýdy kózdeıdi.
Demokrattar birneshe aı boıy bul agenttikterdi qarjylandyrýdan bas tartyp keledi.
Qarjylandyrýǵa qatysty daý qańtar aıyndaǵy Mınneapolıstegi federaldy agentterdiń qatysýymen bolǵan eki birdeı ólimge ákep soqqan atystan keıin bastaldy, bul demokrattardy ımmıgratsııalyq agenttikterdiń ókilettikterin shekteýdi jaqtaýǵa ıtermeledi.
Buǵan deıinAQSh-tyń Mınneapolıs qalasynan 700-ge jýyq ımmıgratsııa agenti shyǵarylatyny habarlanǵan bolatyn.
