AQSh-tyń Florıda shtatynda tabıǵı órt órship barady
ASTANA. KAZINFORM - Florıda shtatynda aýqymdy tabıǵı órt áli tolyq aýyzdyqtalǵan joq NBC.
Órt Maıamı-Deıd jáne Brovard okrýgteri aýmaǵynda taralyp jatyr.
NBC arnasynyń habarlaýynsha, jalyn U.S. 27 tasjolynyń batysyndaǵy shamamen 4,8 myń akr aýmaqty sharpyǵan.
Qazirge deıin órttiń tek 20 paıyzy ǵana baqylaýǵa alynǵan.
Oqıǵa ornynda Maıamı-Deıd pen Brovardtyń órt sóndirý jáne qutqarý qyzmetteri jumys istep jatyr.
Órtti sóndirýge avıatsııa da tartylǵan.
Tikushaqtar men ushaqtar áýeden sý shashyp jatyr.
Qoıý tútin saldarynan keı aýdandarda kórinis kúrt qıyndaǵan.
Bılik turǵyndardy qaýipti aımaqqa jaqyndamaýǵa shaqyrdy.
Jergilikti turǵyndardyń aıtýynsha, jalyn turǵyn úılerge deıin jetken.
Keı aýmaqta evakýatsııaǵa arnalǵan jalǵyz joldy órt jaýyp qalǵan.
Ázirge zardap shekkender týraly aqparat túsken joq.
Osyǵan deıin AQSh-tyń Djordjııa shtatynda bolǵan eki iri orman órti saldarynan 120-dan astam turǵyn úı qırap nemese zaqymdanǵany týraly jazdyq.
