AQSh-tyń ekonomıkalyq ósimi ekinshi toqsanda baıaýlady
ASTANA. KAZINFORM – AQSh Saýda mınıstrliginiń Ekonomıkalyq taldaý bıýrosy ekinshi toqsandaǵy JІÓ boıynsha aldyn ala boljamyn jarııalady. Onda sáýir, mamyr jáne maýsym aılaryn qamtıtyn úsh aılyq kezeńde ekonomıkanyń jyldyq ósimi 1,5% bolǵany kórsetilgen, dep habarlaıdy Kazinform agenttiginiń Vashıngtondaǵy tilshisi FOX Business basylymyna silteme jasap.
Bul kórsetkish ekonomısterdiń boljamynan tómen boldy. Olar 2,1% bolatynyn aıtqan edi.
2026 jyldyń birinshi toqsanynda AQSh ekonomıkasy shamamen 2,1%-ǵa ósti. Ekinshi toqsanǵa arnalǵan aldyn ala baǵalaýdy eskere otyryp, AQSh ekonomıkasy osy jyldyń birinshi jartysynda shamamen 1,8%-ǵa ósti dep boljaýǵa bolady.
Ótken jyly AQSh ekonomıkasy úshinshi toqsanda orta eseppen 4,4%-ǵa, al tórtinshi toqsanda 0,5%-ǵa ósti, bul 2025 jyldyń barlyq kezeńi úshin shamamen 2,1%-ǵa ósýdi qamtamasyz etti.
Ekinshi toqsanǵa arnalǵan qaıta qaralǵan JІÓ boljamy tamyz aıynyń sońynda jarııalanady dep josparlanyp otyr. Al sońǵy boljam qyrkúıek aıynyń sońynda jarııalanbaq.
– Ekinshi toqsandaǵy JІÓ-niń jyldyq 1,5%-dyq baıaý ósýi ekonomıkanyń kúshin tómendetedi. Sebebi ol ımporttyń ósýi men qorlardyń azaıýynan bolatyn keri áserdi kórsetedi, bul uzaqqa sozylmaıdy. Biz qorlardy qalpyna keltirý tsıkli jyldyń ekinshi jartysynda ósimdi 2%-dan joǵary deńgeıge qaıtarýǵa kómektesedi dep kútemiz, - dedi Oxford Economics kompanııasynyń bas Maıkl Pırs.
Aıta keteıik, AQSh-ta stýdenttik vıza sheteldikter úshin qymbattaýy múmkin.
