AQSh-tyń Denver áýejaıynda ushaq adamdy qaǵyp ketti
ASTANA. KAZINFORM - AQSh-tyń Denver halyqaralyq áýejaıynda Frontier Airlines kompanııasyna tıesili Airbus A321 ushaǵy ushý-qoný jolaǵynda adamdy qaǵyp ketken, dep habarlaıdy BILD.
Oqıǵa 8 mamyr kúni keshke bolǵan. Ushaq Los-Andjeleske baǵyttalǵan reıske shyǵý úshin ushý jolaǵyna bet alǵan kezde adam kenetten ushý alańyna shyǵyp ketken.
Onyń ol jerge qalaı kelgeni ázirge belgisiz.
ABC News taratqan málimetke sáıkes, ushqysh dıspetcherlermen baılanysqa shyǵyp, jaǵdaıdy birden habarlaǵan.
Radıoefır jazbasynda pılot:
-Biz toqtadyq. Bir adamdy qaǵyp kettik, — degen.
Keıin ol qozǵaltqyshta órt belgileri paıda bolǵanyn da habarlaǵan.
Dıspetcherler dereý áýejaıdaǵy barlyq qozǵalysty toqtatqan. Ushaqtaǵy jolaýshylar sany naqtylaýǵa alynǵan.
Oqıǵa ornyna órt sóndirý jáne qutqarý qyzmetteri jiberilgen.
Jolaýshylar avtobýstar arqyly áýejaı ǵımaratyna evakýatsııalanǵan.
Ázirge Frontier Airlines tarapynan da, polıtsııadan da resmı qorytyndy berilgen joq.
Oqıǵany AQSh-tyń Ulttyq kólik qaýipsizdigi keńesi tergep jatyr.
Osyǵan deıin Ońtústik Koreıada joıǵysh ushaqtar soqtyǵysqany týraly jazdyq.
