AQSh-tyń bıýdjet tapshylyǵy 2 trln dollardan asyp, tarıhta eń iri tapshylyqtardyń birine aınalýy múmkin
ASTANA. KAZINFORM – AQSh Qarjy mınıstrliginiń baǵalaýynsha, federaldy bıýdjet tapshylyǵy bıylǵy qarjy jylynda kem degende 2 trln-nan astam dollardy quraıdy, bul el tarıhynda eń úlken kórsetkishterdiń biri bolady, dep habarlaıdy FOX Business.
Aq úı 2026 qarjy jylynda bıýdjet tapshylyǵy shamamen 2,1 trln dollardy quraıdy dep shamalady, osy arada oblıgatsııalar naryǵyna qatysýshylar tapshylyqty shamamen 2 trln dollar kóleminde bolady dep boljap otyr.
Eki kórsetkish te Kongrestiń partııalyq emes bıýdjettik basqarmasynyń aqpan aıynda jarııalaǵan 1,8 trln dollarlyq baǵalaýynan asyp túsedi.
- 2 trln dollar kólemindegi tapshylyq buryn bolmaǵan edi jáne ol tek iri ekonomıkalyq quldyraý kezinde ǵana oryn aldy. 2 trln dollarlyq tapshylyqtyń qalypty jaǵdaıǵa aınalýy óte qorqynyshty jaǵdaı, - dep málimdedi Jaýapty federaldy bıýdjet jónindegi partııalyq emes komıtettiń prezıdenti Maııa Makgınnes.
Bul AQSh tarıhynda úshinshi eń úlken tapshylyq bolady. Eń úlken tapshylyq 2020 qarjy jylynda, COVID-19 pandemııasy kezinde 3,1 trln dollardy qurady, al kelesi jyly ekonomıkany qoldaýǵa arnalǵan yntalandyrý shyǵyndarynyń kúrt ósýi aıasynda ol shamamen 2,8 trln dollarǵa jetti.
Osyǵan deıin AQSh-tyń ulttyq qaryzy ekonomıka kóleminen asyp ketkeni habarlandy.
