AQSh-tyń BUU aldyndaǵy qaryzy shamamen 4 mlrd dollardy quraıdy
ASTANA. KAZINFORM – Birikken Ulttar Uıymy Tramp ákimshiliginen AQSh qaryzynyń (shamamen 4 mlrd dollar) qansha bóligin óteýdi josparlap otyrǵany jáne bul qarajat qashan qoljetimdi bolatyny týraly túsinikteme kútip otyrǵanyn málimdedi, dep habarlady NBC News.
Ótken aptada BUU Bas hatshysy Antonıý Gýterrısh álemdik uıymnyń qarjylyq erejeleri qaıta qaralmasa nemese barlyq 193 múshe memleket óz jarnalaryn tólemese, uıym qarjylyq kúıreýge tap bolatynyn eskertti.
AQSh uıymnyń turaqty operatsııalyq bıýdjeti boıynsha 2,19 mlrd dollar qaryz, onyń ishinde bıyl 767 mln dollar alynǵan.
Budan basqa, AQSh BUU-nyń bitimgershilik operatsııalary bólek bıýdjeti boıynsha 1,8 mlrd dollar qaryz, jáne bul soma da ósetin bolady.
AQSh-tyń BUU janyndaǵy ókildigiTramp ákimshiliginiń qaryzdyń aıtarlyqtaı bóligin birneshe apta ishinde tóleýdi josparlap otyrǵanyn rastady, bul rette sońǵy soma áli anyqtalǵan joq.
Ótken aptada BUU-ǵa múshe memleketterge jazǵan hatynda Gýterrısh turaqty operatsııalyq bıýdjet qarajaty shilde aıyna qaraı taýsylýy múmkin ekenin, bul uıym qyzmetine aıtarlyqtaı áser etetinin málimdedi.
Buǵan deıin AQSh prezıdenti Donald Tramp Birikken Ulttar Uıymynyń óz áleýetin júzege asyra almaı otyrǵanyn synǵa aldy.