AQSh-tyń BUU aldyndaǵy qaryzy: 160 mıllıon dollar qaıtaryldy

ASTANA. KAZINFORM — AQSh Birikken Ulttar Uıymynyń qaryzyn ishinara tólep, onyń bıýdjetine shamamen 160 mıllıon dollar aýdardy. Bul týraly BUU Bas hatshysynyń resmı ókili Stefan Dıýjarrık Associated Press (AP) agenttigine bergen suhbatynda málim etti, dep habarlaıdy Report.

Onyń aıtýynsha, tólem ótken aptada jasalǵan jáne BUU-nyń turaqty operatsııalyq bıýdjetine aýdaryldy.

Esterińizge sala keteıik, aqpan aıynyń basyndaǵy jaǵdaı boıynsha Vashıngtonnyń BUU aldyndaǵy jalpy qaryzy shamamen 2,19 mıllıard dollardy qurady, bul barlyq múshe memleketterdiń qaryzynyń 95%. Sonymen qatar, AQSh bitimgershilik operatsııalary úshin 2,4 mıllıard dollar jáne trıbýnaldar bıýdjetine taǵy 43 mıllıon dollar qaryz boldy.

Qańtar aıynyń sońynda BUU Bas hatshysy Antonıý Gýterrısh uıymnyń qarjylyq erejeleri qaıta qaralmasa nemese barlyq 193 múshe el jarna tólemese, jaqyn arada quldyraý qaýpi bar ekenin aıtty.

Buǵan deıin AQSh-tyń BUU aldyndaǵy qaryzy shamamen 4 mlrd dollardy quraıtynyn jazǵan edik.