AQSh-tyń birinshi hanymy Melanııa Tramp sammıtke JI-robotymen birge keldi
ASTANA. KAZINFORM — AQSh-tyń birinshi hanymy Melanııa Tramp Aq úıde ótken «Bolashaqqa birge kómektemiz» jahandyq koalıtsııasynyń sammıtine qatysýshylar aldynda adam tárizdes robotpen birge shyqty.
AQSh prezıdentiniń zaıyby ótken jyly jarııalaǵan bul bastama búkil álemdegi balalardyń bilim men tehnologııaǵa qoljetimdiligin jaqsartýǵa baǵyttalǵan.
Birinshi hanym jáne robot Figure 03 qyzyl kilemmen júrip ótti.
FOSTERING THE FUTURE TOGETHER
— MELANIA TRUMP (@MELANIATRUMP) March 25, 2026
|| 45 Nations || 1 Humanoid
|| 1 Mission || Empower our Children
|| The White House || 2026 Inaugural Global Summit pic.twitter.com/5SzYja148y
— Figure 03, maǵan qosylǵanyńyz úshin raqmet. Siz — meniń Aq úıdegi alǵashqy gýmanoıdty amerıkalyq qonaǵym dep aıtýǵa bolady, — dep málimdedi Melanııa Tramp.
Óz kezeginde gýmanoıd jınalǵan jurtshylyqty 11 tilde quttyqtap, tehnologııa men bilim berý arqyly balalardyń múmkindikterin keńeıtýge baǵyttalǵan osy tarıhı qozǵalystyń bir bóligi bolý múmkindigi úshin alǵysyn bildirdi, dep habarlaıdy CNN.
2025 jyldyń qazan aıynda Kalıfornııada ornalasqan Figure AI robototehnıka startapy úıde kir jýý, tazalaý jáne ydys jýý sııaqty turmystyq tapsyrmalardy oryndaýda kómekshi retinde paıdalanýǵa arnalǵan úshinshi býyn gýmanoıdty robot Figure 03-ti tanystyrdy.
Osyǵan deıin Melanııa Tramp BUU Qaýipsizdik keńesi otyrysyna tóraǵalyq etkenin jazdyq.