AQSh-tyń baj salyǵy týraly jańa málimdemesinen keıin Úndistannyń qordaǵy ındeksteri qulady

ASTANA. KAZINFORM – AQSh prezıdenti Donald Tramptyń Úndistan taýarlarynyń ımportyna 25% qosymsha baj salyǵyn engizý týraly málimdemesinen keıin Úndistannyń qor bırjalary tańǵa saýdada quldyraı tústi. Bul týraly The Hindustan Times basylymy jazdy, dep habarlaıdy reseılik TASS.

Bombeı qor bırjasynyń Sensex ındeksteri 335,71 pýnktke tómendep, 80 208,28 belgisine jetti. Al Nifty ındeksi 114,15 pýnktke quldyrap, 24 460,05-ke turaqtady.

Sensex Bombeı qor bırjasyndaǵy 30 jetekshi kompanııa aktsııalarynyń qubylýyn tirkep otyrady. Al Nifty respýblıkanyń Ulttyq qor bırjasynda usynylǵan Úndistannyń eń iri degen 50 kásipornynyń ortasha mánin kórsetip otyrady.

Basylymnyń jazýynsha, Nıý-Delı men Vashıngton arasyndaǵy teketires ınvestorlardyń senimin joǵaltý qaýpin týdyryp otyr.

- Ekijaqty qarym-qatynastyń kúrdelenip turǵan tusynda baj salyǵynyń eselenýi naryqtyń turaqtylyǵyn buzýy múmkin,- degen pikirin bildirdi Kotak Mahindra aktıvterdi basqarý kompanııasynyń bas dırektory Nılesh Shah.

Naryq eki memleket úkimetteriniń saıası shara qoldanýyn kútip otyr. Al ınvestorlar Úndistannyń Rezervtik bankiniń qımyly men jaǵdaıdy retteý boıynsha dıplomatııalyq áreketterdiń artyn baǵyp otyr.

Aıta keteıik, AQSh sársenbi kúni Úndistannyń reseılik munaı men munaı ónimderin satyp alyp jatýyna baılanysty qosymsha 25% baj salyǵyn engizdi.

Tramp jarlyǵy boıynsha olar mundaı sharany ózge elderge qatysty da qoldanýy múmkin. Osylaısha, AQSh-tyń Úndistan taýarlaryna salǵan baj salyǵynyń kólemi 50% jetti.

Úndistannyń Syrtqy ister mınıstrligi bul áreketti ádiletsiz, negizsiz jáne aqylǵa syıymsyz dep baǵalap, óziniń múddesin qorǵaý úshin barlyq sharalardy qolǵa alatynyn málim etti.

Osyǵan deıin AQSh-tyń EO alkogol ónimderine engizgen tarıfterine bola 25 000 jumys ornyna qaýip tóngeni týraly jazdyq.