AQSh-tyń baj salyǵy Qazaqstan qor bırjasyna qalaı áser etedi

ALMATY. KAZINFORM – AQSh prezıdenti Donald Tramptyń 1 tamyzdan bastap Qazaqstannan keletin barlyq taýarlarǵa 25% baj salyǵyn engizý jónindegi málimdemesine baılanysty Qazaqstan qor bırjasynyń (KASE) basqarma tóraǵasy Ádil Muhamedjanov pikir bildirdi.

Bul týraly KASE basshysy 2025 jyldyń birinshi jartyjyldyǵynda bırja naryǵynyń qorytyndylaryna arnalǵan baspasóz máslıhatynda aıtty.

— Eger saýda dınamıkasyna qaraıtyn bolsaq, saýda qorytyndysy boıynsha aıtarlyqtaı ózgeristi baıqaǵan joqpyz. Degenmen, bul tarıfterdiń ekonomıkaǵa yqpalyn naqtyraq taldap kórgen jón shyǵar, sonda aldaǵy ýaqytta onyń áseri túsinikti bolady. Qazirgi tańda naryq osy jaǵdaıdy zerdeleý kezeńinde tur dep oılaımyn, — dedi ol.

Qazaqstan qor bırjasynyń (KASE) derekterine sáıkes, jyl basynan beri KASE ındeksi 7,9 %-ǵa ósip, 6 018,56 satyǵa jetken. Aktsııalar naryǵynyń kapıtalızatsııasy 3,4%-ǵa nemese 1,1 trln teńgege artyp, 34,0 trln teńgege jetken.

Eske salaıyq, AQSh prezıdenti resmı Astanaǵa Qazaqstan taýarlaryna 25 paıyzdyq baj salyǵyn engizgeni týraly hat joldaǵan bolatyn. Dál osyndaı baj Japonııa men Ońtústik Koreıa taýarlaryna da salynyp otyr.