AQSh-tyń arnaıy ókili: Álemdegi iri qaqtyǵystar jyl sońyna deıin retteledi
ASTANA. KAZINFORM — AQSh-tyń Taıaý Shyǵys boıynsha arnaıy ókili Stıv Ýıtkofftyń pikirinshe, qazir álemde bolyp jatqan barlyq iri qaqtyǵys 2025 jyldyń sońyna deıin retteledi, dep habarlaıdy Baha Breaking News.
AQSh úkimetiniń joǵary laýazymdy ókili bul málimdemeni seısenbi kúni mınıstrler kabınetiniń otyrysynda jasaǵan.
— Reseı — Ýkraına, Iran, Izraıl — HAMAS. Osy aptada biz bul úsh qaqtyǵys boıynsha kelissózder júrgizip jatyrmyz jáne olardy bıylǵy jyldyń sońyna deıin retteımiz dep úmittenemiz, — dedi Stıv Ýıtkoff.
Ýıtkoff AQSh prezıdenti Donald Tramptyń bul qaqtyǵystardy sheshýge qosqan kúsh-jigerin joǵary baǵalap, ózi Avraam kelisimderin keńeıtetin «birneshe jańa tarmaqpen» jumys istep jatqanyn atap ótti.
Buǵan deıin Ýıtkofftyń Ýkraına máselesine baılanysty kelissózder júrgizý úshin Parıjge barǵany, Dohada ızraıldik tutqyndardyń otbasylarymen kezdeskeni jáne Máskeýge saparlaǵany habarlanǵan bolatyn.