AQSh-tyń arnaıy elshisi men Memlekettik hatshy orynbasary Qazaqstanǵa keledi
ASTANA. KAZINFORM - AQSh-tyń Ońtústik jáne Ortalyq Azııa jónindegi arnaıy elshisi Serdjıo Gor men AQSh Memlekettik hatshysynyń orynbasary Krıstofer Landaý 26-30 qazan aralyǵynda Qazaqstan men Ózbekstanǵa barady.
AQSh Memlekettik departamenti baspasóz qyzmetiniń málimetinshe, sapar barysynda joǵary laýazymdy dıplomattar Qazaqstan men Ózbekstan úkimetiniń ókilderimen ekonomıka jáne qaýipsizdik máselelerin talqylaý úshin kezdesedi.
Memlekettik departamenttiń baspasóz qyzmeti málimetinshe, Amerıka Qurama Shtattary Ortalyq Azııadaǵy seriktesterimen qarym-qatynasty nyǵaıtý jáne saýda-ekonomıkalyq baılanystardy keńeıtý úshin yntymaqtastyqty jalǵastyrady.
— Biz elder arasyndaǵy ekijaqty yntymaqtastyqty odan ári damytýǵa senim bildiremiz jáne C5+1 dıplomatııalyq platformasy aıasynda AQSh pen Ortalyq Azııa seriktestiginiń onjyldyǵyn atap ótemiz, - delingen habarlamada.
Aıta keteıik, Prezıdent AQSh Prezıdentiniń Ońtústik jáne Ortalyq Azııadaǵy arnaýly ókili Serdjıo Gordy qabyldaǵan bolatyn.
Prezıdent AQSh sapary aıasynda 20-dan astam kezdesý ótkizdi.