AQSh-tyń Almatydaǵy bas konsýly aýysty
ALMATY. KAZINFORM — Almatyda AQSh-tyń jańa bas konsýly taǵaıyndaldy.
Bul týraly 2026 jylǵy 16 shildede AQSh-tyń Almatydaǵy bas konsýldyǵy málimdedi.
«Jańa taǵaıyndalǵan Almatydaǵy AQSh Bas konsýly Pıter Kaýfman Qazaqstanǵa keldi. Qosh keldińiz, Kaýfman myrza!», — delingen habarlamada.
Pıter Kaýfman buǵan deıin AQSh-tyń Belarýstegi ýaqytsha senimdi ókili, AQSh-tyń Vılnıýstegi elshiliginde Belarýs máseleleri jónindegi bólim basshysy bolyp qyzmet etken.
Ol sondaı-aq Ázerbaıjandaǵy AQSh elshiliginde birinshi hatshy laýazymyn atqarǵan.
Eske salaıyq, buǵan deıin AQSh-tyń Almatydaǵy bas konsýly qyzmetin Mıshel Erkin atqardy. Ol qyzmetine kirisken kezde Qazaqstan jurtymen tanysý vıdeosyn qazaqsha jarııalaǵan edi.
