AQSh-tyń 5 shtatynda tótenshe jaǵdaı jarııalandy
ASTANA. KAZINFORM – AQSh-tyń Kentýkkı, Vırdjınııa, Kanzas, Arkanzas jáne Mıssýrı shtattarynda qalyń qar, kóktaıǵaq, qatty jańbyr men naızaǵaıdyń saldarynan tótenshe jaǵdaı jarııalandy. Bul týraly Anadoly jazdy.
Aýa raıynyń qolaısyzdyǵy týraly eskertýler AQSh-tyń ártúrli shtattarynda taratylyp jatyr. 30 shtatta daýyl bolady, azamattarǵa úıde bolýǵa keńes berildi.
El boıynsha 1 500-ge jýyq reıs toqtatylyp, 2 000 reıs keıinge qaldyryldy. Sonymen qatar birneshe poıyz reısi toqtatyldy.
Kentýkkı, Vırdjınııa, Kanzas, Arkanzas jáne Mıssýrı shtattarynda tótenshe jaǵdaı jarııalandy.
AQSh Ulttyq muhıt jáne atmosferalyq basqarmasynyń (NOAA) málimetinshe, «keıingi 10 jyldaǵy eń qalyń qar jaýady» dep kútilip otyr.
Buǵan deıin AQSh-qa sońǵy onjyldyqtaǵy eń qatty boran soǵýy múmkin ekenin jazǵan edik.