AQSh teris ilingen jalaý úshin Fılıppınnen keshirim surady
ASTANA. Qyrkúıektiń 27-si. QazAqparat - Ońtústik-Shyǵys Azııa elderi qaýymdastyǵyna múshe elder basshylarynyń Amerıka Prezıdeti Barak Obamamen bolǵan kezdesýi kezindegi keleńsiz oqıǵa úshin AQSh ókimeti Fılıppın basshylyǵynan keshirim surady,
dep habarlaıdy «Maıak» radıosy. Ol kezdesý ótken juma kúni Nıý-Iorkte ótken bolatyn.
Atalmysh kezdesý kezinde Fılıppınniń jalaýy teris ilingen bolyp shyqty. AQSh ókimeti, qatelik qasaqana jiberilmegenin, onda eshqandaı astar bolmaǵanyn aıtyp, máseleniń mán-jaıyn tekserýge ýáde berdi.
Aıta ketý kerek, Fılıppın - jalaýy resmı túrde oń jáne teris ilinetin álemdegi jalǵyz memleket bolyp tabylady. Fılıppın soǵys jaǵdaıynda bolǵan kezde nemese elde áskerı jaǵdaı engizilgen jaǵdaıda, onyń jalaýy teris ilinedi jáne bul resmı qabyldanǵan sheshim.
Qazirgi tańda memleket eshqandaı elmen qyrǵıqabaq emes.
