AQSh Taıaý Shyǵystaǵy beıbitshilikti nyǵaıtýǵa kúsh salýda

VAShINGTON. QazAqparat - Ierýsalımde bolǵan AQSh Memlekettik hatshysy Aq úıdiń Taıaý Shyǵysty budan da turaqty, qaýipsiz jáne gúldendirý úshin áriptestermen jumys isteýge bel baılaǵanyn atap ótti, dep habarlaıdy QazAqparat tilshisi AQSh Memlekettik departamentiniń baspasóz qyzmetine silteme jasap.

Entonı Blınkenniń Izraıl úkimetiniń músheleri, Palestına bıligi jáne Mysyr basshylyǵymen kezdesý barysynda aımaqtaǵy shıelenisti azaıtý jáne qaýipsizdikti nyǵaıtý úshin taraptardyń árqaısysy jasaı alatyn praktıkalyq qadamdar týraly syndarly ıdeıalar talqylandy.

E.Blınken qaqtyǵys taraptaryn zorlyq-zombylyqtyń odan ári órshýine jol bermeý jáne tynyshtyqty qalpyna keltirý úshin sharalar qabyldaýǵa shaqyrdy.

AQSh syrtqy saıasat departamentiniń basshysy bıylǵy jyldyń 29 qańtarynda Neva-ıAakovtaǵy sınagoganyń janynda lańkestik áreket saldarynan qaza tapqandarǵa kóńil aıtty.

AQSh BUU-nyń Taıaý Shyǵystaǵy palestınalyq bosqyndar jónindegi agenttigine taǵy 50 mln dollarǵa jýyq qarjy bóletinin jarııalady.

Bul qarajat el turǵyndaryn azyq-túlik, vaktsına jáne bilimmen qamtamasyz etý maqsatynda jiberiledi. Sońǵy eki jylda AQSh-tyń palestınalyqtarǵa kórsetken qarjylyq kómeginiń jalpy somasy shamamen 940 mln dollardy qurady.

Blınken AQSh palestınalyqtar men ızraıldikter úshin beıbitshilikti nyǵaıtýǵa, teń quqyqtar men múmkindikterdi qamtamasyz etýge baǵyttalǵan barlyq kúsh-jigerdi qoldaıtynyn bildirdi. Prezıdent Baıden ákimshiliginiń saıasaty eki halyq úshin eki memleket tujyrymdamasyn saqtaýǵa jáne júzege asyrýǵa baǵyttalǵany atap ótildi.