AQSh Taıaý Shyǵystyń energetıka nysandaryn qalpyna keltirýge $5 mlrd jumsamaq
ASTANA. KAZINFORM — Tramp ákimshiligi Taıaý Shyǵys elderine Iranmen soǵys kezinde zaqymdalǵan energetıka ınfraqurylymdaryn qalpyna keltirýge kómektesetin jańa qorǵa 5 mıllıard dollar ınvestıtsııa salýdy usyndy, dep habarlaıdy Reuters.
Agenttiktiń The Wall Street Journal basylymyna silteme jasaı otyryp habarlaýynsha, arnaýly qor aımaq elderiniń munaı men gaz tasymaldaýdaǵy Ormýz buǵazyna táýeldiligin azaıtýǵa da járdemdesedi.
WSJ habarlaýynsha, usynys aıasynda AQSh 5 mıllıard dollar ınvestıtsııa salady. Basylym bul jóninde AQSh jáne Taıaý Shyǵys elderiniń sheneýnikterinen, sondaı-aq qujattarǵa silteme jasaıdy.
Al Reuters bul aqparatty derbes túrde rastaı almaǵanyn eskertedi.
Eske sala keteıik, Tegeran Vashıngtonǵa áskerı teketirestiń odan ári órshýi múmkin ekenin eskertken bolatyn.
