AQSh Taıaý Shyǵysta 2003 jyldan bergi eń iri avıatsııalyq kúshin shoǵyrlandyrdy
ASTANA. KAZINFORM — Taıaý Shyǵystaǵy amerıkalyq avıatsııalyq kúshterdiń aýqymy 2003 jylǵy Irakqa basyp kirýden bergi eń joǵary deńgeıge jetti, dep habarlaıdy Kazinform agenttiginiń óńirdegi menshikti tilshisi.
The Wall Street Journal basylymynyń málimetinshe, aımaqqa AQSh avıatsııasyn jappaı kóshirý 2003 jyly Iraktaǵy áskerı operatsııa bastalǵaly bergi eń iri kólemde júzege asqan.
Qazirgi áskerı kúshtiń ulǵaıýy Donald Tramp ákimshiliginde Iranǵa yqtımal soqqy máselesiniń talqylanýymen tuspa-tus kelip otyr. Amerıkalyq BAQ derekterine sáıkes, aımaqqa ondaǵan jaýyngerlik ushaq, sonyń ishinde F-16, F-22 jáne F-35 joıǵyshtary, sondaı-aq eki avıanosetstik soqqy toby jiberilgen.
Major US naval, air buildup in the Middle East sets stage for potential Iran war.
— AFP News Agency (@AFP) February 19, 2026
CNN and CBS reported Wednesday that the US military will be ready to launch strikes against Iran as early as this weekend, though Trump has reportedly not made a final decision yet… pic.twitter.com/cRJOwP2PY8
Buǵan deıin Axios basylymy derekkózderge silteme jasap, tek sońǵy bir táýliktiń ishinde aımaqqa shamamen 50 joıǵysh ushaq jóneltilgenin habarlaǵan. Sonymen qatar qańtar aıynan beri AQSh qarý-jaraq pen oq-dári jetkizý úshin 150-den astam áskerı-kóliktik reıs júzege asyrǵan.
Qazirgi ýaqytta óńirde USS Abraham Lincoln bastaǵan avıanosetstik top bar. Ekinshi ushaqtasyǵysh — USS Gerald R. Ford — ornalastyrý aımaǵyna bet alǵan. Sonymen qatar qosymsha ilesip júretin kemeler men áýe qorǵanysy júıeleri de jumyldyrylǵan.
Axios derekkózderiniń baǵalaýynsha, yqtımal operatsııa ótken jazda bolǵan Izraıl men Iran arasyndaǵy «on eki kúndik soǵystan» aýqymdyraq bolýy múmkin. AQSh keıinirek bul qaqtyǵysqa qosylyp, Irannyń jerasty ıadrolyq nysandaryna soqqy jasaǵany aıtylǵan. Basylym boljamynsha, yqtımal áskerı naýqan birneshe aptaǵa sozylýy múmkin.
F/A-18 Super Hornets from Strike Fighter Squadron 14 land on the deck of USS Abraham Lincoln (CVN 72) in the Arabian Sea. When launched from a catapult an aircraft carrier, the Super Hornet can go from a full stop to airborne in under 3 seconds. pic.twitter.com/0mRLNMiwuJ
— U.S. Central Command (@CENTCOM) February 18, 2026
Áskerı kúshterdi arttyrý dıplomatııalyq baılanystarmen qatar júrip jatyr. Osy aptada Jenevada AQSh pen Iran ókilderiniń kezdesýi ótti. Alaıda amerıkalyq taraptyń baǵalaýynsha, kelissózderde aıtarlyqtaı ilgerileý bolmaǵan.
Óńirlik BAQ málimetinshe, Irannyń ıadrolyq baǵdarlamasy boıynsha kelissózderde eleýli progress bolmaýy áskerı stsenarıı yqtımaldyǵyn arttyratyn faktorlardyń biri retinde qarastyrylýda.
Buǵan deıin amerıkalyq BAQ Tramp 21 aqpanda Iranǵa soqqy berýdi maquldaýy múmkin ekenin habarlaǵan bolatyn.