AQSh Taıaý Shyǵysqa 300-den astam áskerı ushaǵyn ornalastyrdy

ASTANA. KAZINFORM — Iranmen qarym-qatynas shıelenisip ketkendikten AQSh Taıaý Shyǵystaǵy óziniń Ortalyq qolbasshylyǵynyń (CENTCOM) jaýapkershilik aımaǵyndaǵy áýe kúshterin edáýir kúsheıtip, óńirge 300-den astam áskerı ushaǵyn ornalastyrdy, dep habarlaıdy Anadolý agenttigi.

Bul týraly ashyq derekkózderdegi ushý málimetteri dálel bolyp otyr.

Amerıkalyq joıǵysh ushaqtar men áskerı avıatsııa negizinen Katardaǵy ál-Ýdeıd, Iordanııadaǵy Mýaffak ál-Saltı jáne Saýd Arabııasyndaǵy Sultan hanzada áýe bazalarynda shoǵyrlanǵan.

Sonymen qatar aımaqta USS Abraham Lincoln jáne USS Gerald R. Ford bastaǵan soqqy berý toby ornalasqan. Bul ushaq tasyǵyshtary áýe operatsııalaryn júrgizýge jáne yqtımal qaýip-qaterge jedel áreket etýge múmkindik beredi.

Sarapshylardyń pikirinshe, mundaı aýqymdy áskerı kúsheıtý — aımaqtaǵy jaǵdaıdyń ýshyǵýyna baılanysty tejeý ári daıyndyq sharasy.

Aıta keteıik, buǵan deıin Amerıka Qurama Shtattary Iranǵa qarsy áskerı operatsııa júrgizý úshin Taıaý Shyǵystaǵy avıabazalar men Eýropaǵa 150 ákerı ushaq jibergenin jazdyq.