AQSh Taıaý Shyǵys bazalaryndaǵy áskerin azaıtyp jatyr — BAQ
ASTANA. KAZINFORM — AQSh sońǵy kúnderi Taıaý Shyǵystaǵy áskerı bazalaryndaǵy áskerı qyzmetshileriniń bir bóligin shyǵaryp jatyr. Amerıkalyq kúshterdiń qysqarýy Iordanııa, Qatar jáne Kýveıtke áser etip otyr, dep habarlaıdy Kazinform TASS agenttigine silteme jasap.
NBC News arnasy derekkózderge silteme jasaı otyryp, Vashıngton sonymen qatar aımaqtaǵy dıplomatııalyq mıssııalaryndaǵy qyzmetshilerdiń sanyn da qysqartyp jatqanyn habarlady.
Arnanyń habarlaýynsha, 21 qazanda birneshe dıplomatııalyq mıssııanyń basshylaryna qysqarǵan shtat jaǵdaıynda jumys isteýdi jalǵastyrý qajettiligi týraly tapsyrma berilgen.
NBC News derekkózderi áskerı jáne dıplomatııalyq personaldyń qazirgi qysqarýy 2026 jyldyń aqpanynda AQSh-tyń Iranǵa qarsy áskerı operatsııasy bastalǵanǵa deıin qabyldanǵan sharalardy eske túsiretinin atap ótti.
AQSh Ortalyq qolbasshylyǵy (CENTCOM) áskerlerdi qaıta ornalastyrý jaıly egjeı-tegjeı aqparat jarııalaýdan bas tartty.
— Biz amerıkalyq áskerler men resýrstardy ońtaılandyrý maqsatynda únemi qaıta ornalastyramyz. Biz bul áreketterdi talqylap otyrmaımyz, — dedi qolbasshylyqtyń ókili Tımotı Hokıns.
Eske sala keteıik, buǵan deıin Tramp Izraıldiń Iranǵa soqqy berýine qarsy bolyp otyrǵany habarlanǵan.
