AQSh Táýelsizdik kúnin 240-ret toılaýda
ASTANA. QazAqparat - Dúısenbide AQSh eń basty jalpyulttyq meıramy - Táýelsizdik kúnin toılaıdy. Bıyl Amerıkanyń Brıtanııa bodandyǵynan azat etilgenine 240 jyl.
Dástúr boıynsha, AQSh astanasynyń ortalyǵynda tarıhı jáne patrıottyq baǵyttaǵy merekelik is-sharalar bolady. Eń aldymen, kúndizgi ýaqytta AQSh Kongresinen prezıdent Avraam Lınkoln memorıalyna deıin sozylǵan Vashıngtonnyń ortalyq jelek jolynda eki saǵattyq parad ótedi. Konstıtıýshn-avenıý boıymen kóptegen orkestr, áskerı bólimder, salt attylar men basqa da sherýge qatysýshylar júrip ótedi.
Keshqurym Kapıtolııdiń batys kógalynda Ulttyq park qyzmeti men Ulttyq sımfonııalyq orkestrdiń bir jarym saǵattyq merekelik kontserti bastalady. AQSh qoǵamdyq telearnasy - PBS jyl saıyn tikeleı efırde translıatsııa júrgizedi. Kontsert sońynda mindetti túrde P.I.Chaıkovskııdiń "1812 jyl" ývertıýrasy oryndalady.
Merekeniń shyrqaý shegi Vashıngton aspanyndaǵy úlken otshashý bolmaq. Ol týra 17 jarym mınýtqa sozylady, dep habarlaıdy TASS.
