AQSh taýarlaryna boıkot jarııalandy
ASTANA. QazAqparat - Meksıkalyqtar AQSh taýaryn tutynýdan bas tartý týraly bastama kóterdi.
Usynys áleýmettik jeli arqyly qalyń jurtqa birden taraǵan.
Halyqtyń mundaı qadamǵa barýyna Aq úı basshysy Donald Tramptyń Meksıkamen araǵa qorǵan salý týraly jarlyqqa qol qoıýy sebep boldy.
Bastamaǵa amerıkalyq «Starbaks» kompanııasy alańdap, Meksıka naryǵynda is júrgizý úshin mıllıondaǵan dollar qarjy jumsap, 7 myń jańa jumys ornyn ashqanyn málimdedi.
Degenmen áleýmettik jelide kóterilgen bastamany turǵyndardyń bári birdeı qoldaı qoıǵan joq.
Meniń oıymsha, amerıkalyq ónimderge boıkot jarııalap, birden bas tartý durys emes. Óıtkeni olar bizdiń ekonomıkamyzǵa ınvestıtsııa quıyp, qanshama azamatymyzdy jumyspen qamtyp otyr. Ol kompanııalardy qýatyn bolsaq, ınvestıtsııadan da aıyrylamyz. Sondyqtan bas tartpas buryn onyń bizge qandaı áseri baryn oılanǵanymyz durys», - deıdi ınvestor Karlos Slım.
Derekkóz: «Habar 24» telearnasy
