AQSh-tan jetkiziletin úırek etinen salmonella bakterııasy tabyldy

ASTANA. QazAqparat - Qoǵamdyq densaýlyq saqtaý komıteti ónim qaýipsizdigine monıtorıng júrgizý sheńberinde Qazaqstanǵa jetkiziletin AQSh-tyń úırek eti synamasynan salmonellany anyqtady, dep habarlaıdy QazAqparat.

Osyǵan baılanysty, komıtet gıgıenalyq normatıvter men tehnıkalyq reglament talaptarynyń buzylǵanyn habarlaıdy.

«Salmonella juqtyrylǵan ónimdi tamaqqa paıdalaný qolaısyz saldarǵa aparyp soǵýy múmkin. Atap aıtqanda, Salmonella tektes bakterııalar negizinen júrektiń aınýyn, qusý, álsizdik, dıareıa, ishtiń aýyrýyn týdyryp, asqorytý joldaryn zaqymdanýmen sıpattalady, ýaqyt óte kele adamnyń jaǵdaıy nasharlaýy múmkin, mundaı jaǵdaıda mindetti túrde dárigerge qaralý usynylady» delingenn komıtet taratqan habarlamada.

Qazirgi ýaqytta saýda obektisinen qaýipti ónimdi alý boıynsha sharalar qabyldanýda. Sondaı-aq ótkizýshilerge qatysty ákimshilik sıpattaǵy sharalar júrgizilip jatyr.

Dúken sórelerinde sáıkes kelmeıtin ónimder anyqtalǵan jaǵdaıda jazbasha nemese 8 /7172/ 74-27-04  nómiri boıynsha, sonymen qatar komıtetke jáne onyń aýmaqtyq departamentterine júginýge bolady (ár óńirdiń baılanys derekteri kooz.dsm.gov.kz saıtynda kórsetilgen).

Aıta ketý kerek, bul úırek eti Taraz qalasyndaǵy «Ý. A. Qalymbetova» jeke kásipkerligine tıesili «Bereke» dúkeninen alynǵan.