AQSh-ta zańsyz júrgen mıllıonnan astam adam óz erkimen elderine qaıtty

ASTANA. KAZINFORM - Qańtar aıynan beri myńdaǵan adam «óz erkimen deportatsııalaný» baǵdarlamasy boıynsha elderine qaıtty, dep málimdedi AQSh-tyń ishki qaýipsizdik mınıstri Krıstı Noem.

Bul rette qujaty joq júzdegen mıgranttyń memlekettiń kómegine júginbesten óz erkimen ketkenin aıta ketý kerek, dep habarlaıdy DW.

Noem keltirgen málimetterge qaraǵanda, qańtar aıynan beri qylmys jasaǵan júzdegen myń mıgrant tutqyndaldy. Al sońǵy úsh aıda elge zańsyz birde-bir adam kirmegen.

- Shekaranyń osynshalyq qaýipsiz bolýy birinshi ret bolyp otyrǵan jaǵdaı, - dedi Noem Chıkagoda ótken baspasóz máslıhatynda.

Noem «Demokratııalyq shtat» bıligi zańsyz júrgen mıgranttardy deportatsııalaýǵa qarsy ekenin senimdi túrde málimdedi.

Aq úıdiń «óz erkimen deportatsııalaný» baǵdarlamasy aıasynda AQSh-ta turyp jatqan zańsyz mıgranttar myń dollar kóleminde «stıpendııa» men eline qaıtý úshin uıymdastyrý kómegin ala alady. Óz kezeginde bul kómek mıgratsııalyq jáne keden polıtsııasymen bolýy yqtımal problemalardan qutqarady.

Aıta keteıik, Nıý-Iorkte ımmıgratsııalyq reıdterge qarsy narazylyq aktsııasy ótken bolatyn.