AQSh-tan taǵy 10 ózbekstandyq eline qaıtarylady
TAShKENT. Kazinform - AQSh tarapynan Kosta-Rıkaǵa deportatsııalanatyn ózbekstandyqtar Nıý-Iork arqyly Tashkentke qaıtarylady, dep habarlaıdy Kazinform Ózbekstan SІM baspasóz hatshysy Ahror Býrhanovqa silteme jasap.
— Kosta-Rıkaǵa jiberý josparlanǵan, biraq otanyna qaıtýǵa nıetti taǵy 10 azamat osy aptada Nıý-Iork-Tashkent baǵyty boıynsha Ózbekstanǵa keledi, — dep jazdy Býrhanov.
14 aqpanda eki el arasyndaǵy kelisimdi júzege asyrý aıasynda AQSh-tan birqatar elge, sonyń ishinde Ózbekstannan alǵashqy reıs Panamaǵa bardy.
Deportatsııalanǵandar arasynda Ózbekstan azamattarynyń sany týraly aqparat berilmedi.
20 aqpanda AQSh shekarasyn zańsyz kesip ótken 200 mıgrant (Ortalyq Azııa men Úndistan azamattary) Kosta-Rıkaǵa jóneltildi. Bul Panama reısinen keıingi ekinshi jónetilim boldy. Olar alty apta ishinde eline qaıtarylady, osy ýaqyt ishinde mıgranttardy ustaý ızolıatorynda bolady.
Eske sala keteıik, buǵan deıin AQSh tarapymen júrgizilgen kelissózder nátıjesinde Kosta-Rıkaǵa jiberý josparlanǵan, biraq Ózbekstanǵa qaıtýǵa nıetti 7 ózbekstandyq Nıý-Iork-Tashkent baǵyty boıynsha Ózbekstanǵa qaıtarylǵan bolatyn.